LU Literaturys, folklorys i muokslys instituta akcejis “Dzīdi ar arhivu” mierkis ir popularizēt Latvīšu folklorys kruotivis skaņu īrokstus i aicynuot sabīdreibu papyldynuot arhiva dzīsmis ar myusdīnu versejom. Akceja nūtiks nu 2019. goda 15. februara da 15. juņam. “Dzīdi ar arhivu” ir turpynuojums akcejom “Lasīsim dzejiņas” (Lasi skaļi #2) i “Skandē Veidenbaumu” (Lasi skaļi #1), kurys da šam dabuojušys lelu sabīdreibys atsauceibu. Tymuos ikvīnam beja vareiba skali īrunuot bārnu i Eduarda Veidenbauma dzeju.
Klausīs arhiva dzīsmis. Uztaisi audioīrokstu sovā datora voi mobilajā īkuortā i augšupīluodej itymā sātyslopā; vari ari davīnuot saiti nu sovim muzykys profilim Youtube, Soundcloud.
Bolsoj par jaunajom dzīsmem, kas tev vysvaira pateik i sekoj statistikai, kab nūskaidruotu akcejis popularuokūs īrokstus. Piec tuo, kod redaktors byus nūsaklausiejs īrokstu, tys tiks apstyprynuots i e-postā sajimsi saiti iz sovu īrokstu, ar tū varēsi pasadaleit sovūs socialajūs teiklūs. Paraleli tiks taiseita akcejis redaktoru izlase interneta sātyslopā Youtube.
Akceju organizej LU Literaturys, folklorys i muokslys instituts (LU LFMI) ES ERAF pabaļsteituo projekta “Stiprinot zināšanu sabiedrību” (Nr. 1.1.1.1/16/A/040) ītvorā. Projekta mierkis i izstruoduot virtualu pietnīceibys i sabīdreibys īsaistis laboratoreju i informacejis analizis reikus pietejumu veikšonai digitalajuos humanitarajuos zynuotnēs, īsaistūt sabīdreibu kūpeigu zynuošonu radeišonā i padareit publiski breivu daīmamu, ārti lītojamu apjūmeigu kulturys datu kūpumu pietnīceibai i vyspuorejai izziņai.
Akceju organizej LU Literaturys, folklorys i muokslys instituts (LU LFMI) ES ERAF pabaļsteituo projekta “Stiprinot zināšanu sabiedrību” (Nr. 1.1.1.1/16/A/040) ītvorā. Projekta mierkis i izstruoduot virtualu pietnīceibys i sabīdreibys īsaistis laboratoreju i informacejis analizis reikus pietejumu veikšonai digitalajuos humanitarajuos zynuotnēs, īsaistūt sabīdreibu kūpeigu zynuošonu radeišonā i padareit publiski breivu daīmamu, ārti lītojamu apjūmeigu kulturys datu kūpumu pietnīceibai i vyspuorejai izziņai.